Die DA-leier Geordin Hill-Lewis sê dat hy president Cyril Ramaphosa ingelig het oor verskeie veranderings aan die party se verteenwoordiging in die kabinet ná ’n evaluering van sy ministers in die Regering van Nasionale Eenheid (RNE).
Die minister van landbou, John Steenhuisen, word deur die minister van bosbou, vissery en die omgewing, Willie Aucamp, vervang.
Die Hill-Lewis sê dat Aucamp se mandaat sal wees om die regskwessies oor bek-en-klouseer op te los en om praktiese stappe in te stel om die krisis te oorkom.
Aucamp is ook die taak opgelê om toegang tot nuwe markte te kry en om die ekonomie te laat groei en werk te skep.
David Maynier neem die portefeulje van bosbou, visserye en die omgewing oor. Steenhuisen skuif na adjunkminister van handel, nywerheid en mededinging, terwyl Alexandra Abrahams adjunkminister van elektrisiteit en energie word. Jack Bloom is die adjunk-minister van water en sanitasie.
Hill-Lewis sê dat dié herskikking daarop gemik is om DA-verteenwoordigers se prestasie te versterk en beter dienslewering binne die kabinet te bevorder.
