Die 27-jarige Suid-Afrikaner Ashley Oosthuizen se gevangenisstraf in Thailand is weer ingevolge ’n koninklike kwytskelding verkort.
Oosthuizen se vonnis van 13 jaar is na 9 jaar en 11 maande verminder, waarvan sy reeds vyf jaar uitgedien het.
Sy is in 2020 in hegtenis geneem nadat sy by die restaurant waar sy gewerk het, vir ’n pakkie wat dwelms bevat het, geteken het.
Haar ma, Lynn Blignaut, sê dat Ashley reeds tot ’n sogenaamde uitstekende vlak in die tronk geskuif is.
Sy staan ’n goeie kans om teen September vir parool met ’n elektroniese enkelband oorweeg te word.
Blignaut skryf die beduidende vonnisvermindering van die aanvanklike doodstraf aan die Here se genade toe.
