Die Suid-Afrikaanse Reserwebank het ’n nuwe gedenk R2-muntstuk bekendgestel ter herdenking aan die jeug van 1976.
President Cyril Ramaphosa het gister die muntstuk onthul tydens ’n kransleggingseremonie by die Hector Pieterson-gedenkteken in Soweto.
Dit is vanjaar 50 jaar sedert die Soweto-jeugopstand en die muntstuk beeld jong mense uit met opgehewe vuiste as simbool van hul stryd vir gelyke onderwys.
Ramaphosa sê die muntstuk is deel van pogings om die nalatenskap van die 1976-jeug te bewaar en te vereer.
