Die minister van gesondheid, dr. Aaron Motsoaledi het maatskappye wat deel van misdaadsindikate was wat by die plundering van die R2 miljard by die Tembisa-hospitaal betrokke was, gewaarsku dat hulle op die swartlys geplaas sal word.
Hy sê dit is om te keer dat hulle ooit weer met die regering sake doen.
Die ActionSA-LP, dr. Kgosi Letlape, wou tydens ‘n parlementêre sitting by Motsoaledi weet hoe hy die grootskaalse plundering deur misdaadsindikate elders in die land sal verhoed.
Motsoaledi het in sy antwoord aangedui dat die Spesiale Ondersoek-eenheid versoek is om alle maatskappye wat by die sindikate betrokke is, op die swartlys te plaas.
Slegs die Nasionale Tesourie kan dit egter doen, maar die name van die maatskappye is reeds aan hulle verskaf.
Daar sal op 27 en 28 November ‘n werksessie met provinsiale departemente gehou word om hul verkrygingstelsels op te skerp.
Fotokrediet: Leila Dougan – Daily Maverick
One Response
Ie goed genoeg nie die bedriers moet tronk toe, geld moet herwin word.