Die Valke en die polisie het ’n mandraks-vervaardigingslaboratorium met ’n geraamde waarde van ‘n honderd-miljoen-rand in Umvoti in KwaZulu-Natal ontdek.
Dwelms, chemikalieë en gespesialiseerde vervaardigingstoerusting is tydens die gesamentlike operasie gekonfiskeer.
’n 31-jarige verdagte is in hegtenis geneem en sal na verwagting môre in die Kranskop-landdroshof op aanklagte ingevolge die Wet op Dwelms en Dwelmhandel verskyn.