Gesprekke tussen die ANC en die DA oor die begroting is vanmiddag voortgesit nadat onderhandelinge Vrydag ‘n dooiepunt bereik het.
‘n Betroubare bron het aan News24 gesê dat die ANC ná Vrydag se gesprekke die DA genader het om samesprekings voor te sit voordat die begroting Woensdag ter tafel gelê word. Volgens dié bron is vandag se gesprekke meer suksesvol.
Die DA het vroeër gesê hy soek meer beheer oor die land se ekonomiese beleid, en wil toegelaat word om meer betrokke te wees by die besluitnemingsproses. Die DA wil ook nie instem tot ‘n verhoging in BTW nie. Dit is glo van die redes waarom Vrydag se gesprekke platgeval het.
Volgens die bron is ‘n ooreenkoms moontlik, maar so ‘n ooreenkoms is nog nie bereik nie. Die DA, het volgens News24, Vrydag gesê dat “dit al hoe meer wil voorkom asof die ANC aspris redes soek om die RNE te laat misluk sodat ‘n alternatiewe ooreenkoms met die EFF bereik kan word.”
One Response
Hou op Lieg. Laat die ANC in Hul moer in Vlieg. Gooi Hul in die Tronk
Hul stel ons vrot en vrek van die honger. Hoeveel mense dit Sonder werk…. Kyk hoe het Hul gevlieg oor covid…… Maak n plan
Dat Ons beter Kan lewe ons is AL Ou mense. Asb