Fikile Mbalula: BTW-verhoging in begroting is net tydelik tot ekonomie verbeter

Die ANC se sekretaris generaal Fikile Mbalula sê die beoogde BTW verhoging van 0,5% – wat in die begroting ter tafel gelê is – is nie permanent nie, en sal onttrek word sodra die ekonomie verbeter.

Mbalula het vroeër vandag die media toegespreek na afloop van die ANC se Nasionale Uitvoerende Komitee (NUK) vergadering.

Mbalula sê die ANC het van die staanspoor af gesê dat hy nie ‘n 2% verhoging in BTW sal steun nie, en sê die 0,5% verhoging is net tydelik.

Hy sê die gesprekke met die DA oor die party se steun vir die begroting, is steeds aan die gang, en dat daar nog nie ‘n ooreenkoms is nie.