Die Amerikaanse regering het bykans $1 miljoen bewillig vir ’n projek om haatspraak en geweld teen minderheidsgroepe in Suid-Afrika te dokumenteer.
Die burgerregte-groep, AfriForum sal na verwagting die $986 500 ontvang.
Die projek sal geweld teen Afrikaners en ander minderhede ondersoek, asook hul toegang tot geregtigheid en polisie beskerming.
AfriForum se uitvoerende hoof, Kallie Kriel, sê die befondsing sal ook sielkundige ondersteuning aan slagoffers van ernstige marteling op plase bied.
Die Trump-regering sê hy is bekommerd oor rassegebaseerde diskriminasie en geweld in Suid-Afrika.
