’n Verslag van die Rural Health Advocacy Project wys dat openbare gesondheidsdienste in landelike gebiede in Suid-Afrika in ’n ernstige krisis is.
Volgens die verslag het slegs 54-komma-9-persent van klinieke in 2019 en 2020 aan minimum standaarde vir behoorlike gesondheidsorg voldoen, met provinsies soos Limpopo, die Oos-Kaap en die Noord-Kaap wat die swakste presteer het.
Sekere distrikte, insluitend Vhembe en OR Tambo, toon besonder lae vlakke van sogenaamde “ideale klinieke”.
Die verslag waarsku dat die stelsel onder druk is weens onderbefondsing, ’n tekort aan dokters en swak infrastruktuur.
