Die minister van finansies, Enoch Godongwana sê die tesourie gaan die salarisse van uitvoerende hoofde en raadslede van staatsbeheerde maatskappye hersien.
Hy sê die salarisse moet die betrokke persoon se kwalifikasies, invloed en mandaat pas. Dit is een van sy departement se drie beplande hersienings van staatsbesteding. Die minister sal ook ‘n oudit van sogenaamde spookwerkers doen asook ‘n ondersoek na hoekom provinsiale regerings en munisipaliteite onderbestee.
Godongwana wil ook weet waarom munisipale projekte nie betyds voltooi word nie en indien relevant, waarom die kwaliteit van die werk nie op standaard is nie.
Die uitvoerende hoof van die Padbestuursverkeersagentskap, Makhosini Msibi het in 2023 ‘n salaris van R10,1-miljoen vir die jaar verdien. Die uitvoerende hoof van die burgerlike lugvaartowerheid, Poppy Khoza se jaarlikse salaris beloop R7,4-miljoen.
One Response
Too little too late. 30 years too late. People have been dying every day for 30 years because they can’t buy food.