Suid-Afrika kan dalk eersdaags ‘n nuwe breinkwyn beleef nadat baie jong – en opgeleide volwassenes – hul voorneme uitgespreek het om te emigreer.
Dit het aan die lig gekom in die organisasie, BrandMapp se jaarlikse meningsopname van 30 000 middelklas en welgestelde jong-volwassenes.
49% van die jong-respondente sê dat hulle waarskynlik – of baie waarskynlik – in die volgende vyf jaar sal emigreer weens ‘n gebrek aan loopbaangeleenthede en kommer oor die land se toekoms.
Die betrokkenes se aangepaste bestedingspatrone ondersteun hul voorneme dat al minder van dié kandidate in onroerende bates belê.
Ashleigh Cumming, ‘n jeugstrateeg by WhyFive, wat die meningsopname saamstel, sê baie van die jongmense het ook aangedui dat hulle paspoorte gereed is sou hulle die besluit neem om groener velde te gaan soek.
Volgens haar huur hierdie ouderdomsgroep huise, maak gebruik van e-vervoerdienste en stroom hulle vermaak eerder as om hulself tot byvoorbeeld ‘n DStv-kontrak te verbind.
Verder toon die opname dat sowat 37% optimisties voel oor Suid-Afrika terwyl 41% onseker oor die land en sy toekoms voel.
One Response
Gaan. Wat hou julle hier? Die land is erger as die 10 plae in die Bybel.