Die departement van korrektiewe dienste gaan sy besluit om die moordbeskuldigde, Vusimuzi “Cat” Matlala, na die eBongweni Super Maksimum Korrektiewe Sentrum in Kokstad, in KwaZulu-Natal te skuif, in die hof verdedig.
Matlala doen aansoek om terug na die Kgosi Mampuru 2 Korrektiewe Sentrum in Pretoria geskuif te word.
Die departement hou vol dat die oorplasing na ‘n uitgebreide risiko en bedreiging assessering, plaasgevind het, maar sê hy is bereid om met Matlala se regsverteenwoordigers te vergader om te verseker dat Matlala betyds by die hof uitkom.
Matlala poog intussen ook om sy saak so spoedig moontlik af te handel.
Hy het saam met sy vrou, Tsakane en die beweerde sluipmoordenaar, Tiego Mabusela en Musa Kekana verlede week in die hooggeregshof verskyn vir voor-verhoor verrigtinge.
Mabusela se dogter, Ntabiseng Nzama, staan ook saam met hulle tereg op aanklagte van poging tot moord, bedrog en geldwassery.
