Die DA eis dat staatsdepartemente in Gauteng hul munisipale skuld moet vereffen.
Die DA se koukusleier in die Tshwane-metro, Cilliers Brink sê hy het ‘n skrywe aan die minister van finansies, Enoch Godongwana, gevra dat die nasionale departement van finansies enige betaling aan die Gautengse provinsiale regering weerhou, totdat munisipale skuld gedelg is.
Hy sê landsburgers word verplig om hulle munisipale rekeninge te betaal en indien dit nie gedoen word nie, word krag of water gesny, maar daar is geen optrede teen staatsdepartemente nie.
Brink sê Gauteng is vinnig besig om ‘n sukkelende provinsie te raak onder die leierskap van Panyaza Lesufi as premier.
