Walter Ernst
Die departement van menslike nedersettings ontken ActionSA se aantygings oor die reiskostes van ministers in die Regering van Nasionale Eenheid en bestempel dit as misleidend.
ActionSA beweer die RNE het byna R450 miljoen aan reis- en verblyfkostes bestee – waarvan die minister van dié departement Thembi Simelane se uitgawes R33 miljoen beloop.
Simelane se woordvoerder, Tsekiso Machike, beklemtoon dat alle uitgawes binne die reëls van die tesourie val en personeelkoste vir nasionale behuisingsprojekte insluit. Volgens Machike het Simelane sedert haar aanstelling slegs een oorsese reis onderneem teen ’n breukdeel van die beweerde bedrag.
ActionSA hou vol dat die totale syfer binnekort R500 miljoen kan oorskry.
Fotokrediet: Gallo Images
