Die DA se landswye oudit het onthul dat meer as die helfte van Suid-Afrika se polisiekantore nie telefonies bereik kon word nie.
Die oudit is in al nege provinsies uitgevoer met behulp van databasisse waarop die kontaknommers gelys is.
Uit die 1 025 polisiekantore wat geskakel is, het 571 nie geantwoord nie terwyl 454 een of albei nommers beantwoord het.
Dit beteken dat 56% van polisiekantore nie bereik kon word nie, terwyl slegs 44% geantwoord het.
Limpopo het die swakste gevaar, met 78 uit die 87 kantore wat nie geantwoord het nie.
Die Vrystaat volg kort op Limpopo se hakke.
Die oudit het ook bevind dat verskeie polisiekantore waar die meeste geweldsmisdade aangemeld regoor die land nie bereik kon word nie.
Volgens die DA strook die bevindinge met onder meer ernstige personeeltekorte en kommunikasie-uitdagings by die 10111-noodsentrum.
Die DA is van voorneme om die bevindinge aan die minister van polisie en die Nasionale Kommissaris voor te lê.
