Die parlementêre ontheffingskomitee het die spertyd vir die aanstelling van ’n bewysleier in die Phala Phala-ondersoek verleng.
Dié komitee moet bepaal of president Cyril Ramaphosa in ’n staat van beskuldiging geplaas moet word.
Die ontheffingskomitee is aangestel ná ’n beslissing van die Konstitusionele Hof in Mei dat ’n besluit van die Nasionale Vergadering om nié ’n onafhanklike paneelverslag oor die Phala Phala-saak te aanvaar nie, ongeldig en ongrondwetlik was.
Slegs vier uit nege benoemde senior advokate het aangedui dat hul beskikbaar is as bewysleiers. Twee van die genomineerdes het as bewysleiers in die Zondo-kommissie van ondersoek na staatskaping gedien.
Die vergadering het plaasgevind voordat die hooggeregshof in Kaapstad Vrydag uitspraak sal lewer oor Ramaphosa se dringende aansoek om die werksaamhede van die komitee te staak.
Die partylede het ooreengekom om die benoemingsproses tot Vrydag te heropen, om sodoende die kandidatepoel uit te brei.
