Die vakbondfederasie Cosatu het die regering versoek om nie voort te gaan met beplande Weermagdag-parade ter waarde van 3-honderd-72 miljoen-rand wat op 21 Februarie in Thohoyandou plaasvind nie.
COSATU se woordvoerder, Matthew Parks, sê die regering kan nie voortgaan met die duur parade terwyl vredesmagte van die Suid-Afrikaanse Nasionale Weermag, ontplooi in die Demokratiese Republiek die Kongo, lewens verloor het weens ’n gebrek aan steun en wapens nie.
Hy sê dieselfde soldate moes ook toekyk hoe die SANW die helfte van hul toelaes van die Verenigde Nasies weerhou, wat die situasie verder vererger het.
Parks meen die 3-honderd-72 miljoen-rand kan veel beter aangewend word as deel van die regering se pogings om die SANW se kapasiteit te herbou.
Fotokrediet: defenceWeb
