Die adjunk-burgemeester in die Tshwane-metro, Eugene Modise, lewer tans dié metro se konsepbegroting vir die 2025/2026-boekjaar aan die raad voor.
Dit is die metro se eerste ten volle befondsde begroting sedert 2022, ‘n feit wat Modise as ‘n mylpaal beskryf het. Volgens hom het die metro se totale begroting in die huidige boekjaar met 2% gegroei tot R777-miljoen.
Modise sê die inkomste weens boetes en ander verbeurings het tot ‘n 32% verlies in die begroting, of sowat R71-miljoen afgeneem. Volgens hom beteken dié verlies dat die metro dringend sy wetstoepassing en invoderingstrategieë moet hersien.
Kostes verbonde aan werknemers het ook volgens Modise met R346-miljoen of 3% afgeneem, danksy planne om die kostes te beperk.
Volgens Modise sal minstens 80 000 poste tussen dié jaar en 2029 in die metro geskep word. Hy het ook planne om R17-miljard in nuwe beleggings te lok. Luidens dié konsepbegroting sal R740-miljoen aan die departement van ekonomiese ontwikkeling en stadsbeplanning toegeken word in ‘n poging om die probleem van werkloosheid in die stad onder die loep te neem.
Intussen het die DA se woordvoerder oor finansies in die Tshwane-metro, Jacqui Uys in ‘n verklaring gesê hulle hoop dat die begroting in die behoeftes van die inwoners sal voldoen en nie deel van die ANC se doelwit word om “goed op papier te lyk nie.”
Good morning Tshwane. Today, this coalition government presents to residents a fully funded budget for 2025/26. Deputy Executive Mayor Eugene Modise is currently addressing Council outlining financial priority areas for the City. This budget has been endorsed by National Treasury… pic.twitter.com/OoNmmiByfz
— Dr Nasiphi Moya (@nasiphim) May 15, 2025
