Marelize Maré
Die operateur van die Suid-Afrikaanse Nasionale Lotery, Ithuba, soek na die wenner van die boerpot van R65 miljoen wat in die loterytrekking op Oujaarsaand gewen is.
Die wenkaartjie is vir slegs R20.00 in Colesberg in die Noord-Kaap gekoop.
Volgens die uitvoerende hoof van Ithuba, Charmaine Mabuza, het die wenner net ‘n jaar vanaf die datum van die trekking om die prys op te eis.
Sy het ‘n beroep op mense wat in Colesberg loterykaartjies gekoop het gedoen om hulle kaartjies na te gaan.
