Die Suid-Afrikaanse Agentskap vir Maatskaplike Sekerheid – Sassa – sê alle nuwe aansoeke vir maatskaplike toelaes sal van 1 September af biometriese verifiëring vereis.
Dié proses – wat vingerafdrukke of gesigherkenning insluit – is gemik op die bekamping van bedrog en die verbetering van stelselintegriteit.
Sassa sê dit sal verseker dat begunstigdes werklik bestaan, dat duplikaatbetalings voorkom word en dat foute en manipulasie beperk word.
Die stelsel is reeds landswyd by Sassa-kantore beskikbaar en personeel word opgelei om dit ten volle te implementeer.
