Die dodetal van Venezuela se twee aardbewings – wat die stad Caracas etlike sekondes ná mekaar op Woensdag 24 Junie geruk het – het tot 2 295 gestyg.
11 267 mense is beseer en 50 000 kon tot dusver nog nie opgespoor word nie.
President Delcy Rodriquez het gister sewe dae van rou vir die slagoffers van die verwoestende natuurrampe afgekondig.
In die warboel van die gebeure het ’n 8-jarige skaaphond, genaamd Tsunami, minstens 13 slagoffers lewend onder die puin uitgesnuffel.
Dié soek-en-reddingshond was oorspronklik ’n verwaarloosde straathond in Caracas wat gered is en vir die rampreaksiehonde-eenheid opgelei is.
Hy het vir jare intensiewe opleiding by die K-SAR ECID-rampreaksie-honde-opleidingsentrum in Venezuela ondergaan.
Saam met sy hanteerder en eienaar van K-SAR ECID, Jorge Beens, het Tsunami sy reuksintuig ingespan om oorlewendes op te spoor wat diep onder ineengestorte geboue en swaar puin vasgekeer was.
Sy indrukwekkende loopbaan sluit ook hulpverlening tydens plaaslike grondverskuiwingsoperasies en internasionale humanitêre sendings in, soos die aardbewings in Turkye en Sirië in 2023.
Ná sy huidige ontplooiing in Venezuela het owerhede bevestig dat dit Tsunami se laaste amptelike sending sal wees, voordat hy sy welverdiende aftrede geniet.
