Die parlement se voorsittende beamptes sê hulle weet nog nie wat die volle uitwerking van die nuwe Amerikaanse visumbeperkings op Suid-Afrika sal wees nie.
Nasionale Vergadering se speaker Thoko Didiza en haar adjunk, Annelie Lotriet, sê hulle sal moet wag om te sien hoe ver die maatreëls strek en of regeringsministers en hul gesinne geraak word.
Die voormalige ambassadeur Ebrahim Rasool het intussen beweer die Amerikaanse besluit is beïnvloed deur organisasies soos AfriForum.
Die Suid-Afrikaanse regering het die nuwe beperkings aangeteken en sê die Verenigde State moet Suid-Afrika se wette respekteer.
