Suid-Afrikaners met sonkrag het minder as drie weke om voordeel te trek uit Eskom se kwytskelding van registrasie- en aansluitingsfooie.
Die kwytskelding vir kwalifiserende sonkragstelsels van tot 50 kVA is tot 30 September 2026 verleng.
Dit dek onder meer registrasie, aansluiting en sekere meetkoste.
Eskom sê alle sonkragstelsels van minder as 100 kVA wat aan die kragnetwerk gekoppel is, moet geregistreer word – selfs al voer die huishouding nie elektrisiteit terug na die netwerk nie.
Huiseienaars benodig onder meer ’n geldige sertifikaat van nakoming, ’n toepaslike omskakelaar-toetssertifikaat en ’n basiese installasietoetsverslag.
Die registrasievereiste geld egter nie vir eiendomme wat heeltemal van Eskom se netwerk af is nie.
