Die minister van landbou, John Steenhuisen, het sy onlangse besoek aan Suid-Amerika verdedig en gesê dit was noodsaaklik om Suid-Afrika se reaksie op bek-en-klouseer te versterk en ’n volhoubare toevoer van entstowwe te verseker.
Steenhuisen het kritiek van politieke partye en organisasies ontvang oor die hantering van die uitbrekings, maar sê hy bly verbind tot samewerking tussen die openbare en private sektor.
Die koste van internasionale entstowwe word op nagenoeg R644-miljoen geraam.
Steenhuisen het intussen die nasionale inentingsplan gepubliseer wat voorsiening maak vir private inenting van diere onder streng voorwaardes.
Hy sê Suid-Afrika verwag om teen die einde van die maand 15 miljoen dosisse entstof ingevoer te hê.
