Die Speaker van die Nasionale Vergadering, Thoko Didiza, het besluit om nie president Cyril Ramaphosa se dringende hofsaak om die vervolgingsproses te keer, teen te staan nie.
Sy het eerder ’n kennisgewing ingedien waarin sy sê sy sal die hof se uitspraak eerbiedig.
Didiza sê haar besluit is nie in stryd met die Vervolgingskomitee, wat die president se aansoek teenstaan, nie.
Opposisiepartye het egter die stap gekritiseer en dit as partydig bestempel.
Die komitee ondersoek steeds die Phala Phala-kwessie waarin bevind is dat Ramaphosa sy ampseed moontlik geskend het.
