Die vakbond, Solidariteit verwelkom die Withuis se besluit om die Wet op Groei en Geleenthede in Afrika, bekend as Agoa, te verleng.
Die organisasie sê die ooreenkoms bied belangrike voordele vir Suid-Afrika se ekonomie en help om uitvoere na die VSA en werksgeleenthede te beskerm.
Volgens Solidariteit se ekonomiese navorser Theuns du Buisson skep onsekerheid oor Agoa se toekoms ernstige risiko’s vir die land se ekonomie, en kan dit werk en groei benadeel.
Solidariteit doen ’n beroep op die regering om die verlenging as ’n teken van goeie verhouding met die Verenigde State te sien en om diplomatieke en handelsverhoudinge te versterk.
