Opposisiepartye voer aan dat President Cyril Ramaphosa nie die parlementêre artikel 89-ondersoek na die Phala Phala-sage behoort te kan stuit nie.
Hulle het die Wes-Kaapse Hooggeregshof herinner dat ‘n soortgelyke versoek deur die voormalige Openbare Beskermer, Busisiwe Mkhwebane, tydens haar vervolgingsproses twee keer misluk het.
Die MK-party en die UAT sê Ramaphosa kan nie openbare aanspreeklikheid ontduik oor die diefstal van nagenoeg $580 000 van sy Phala Phala-plaas in 2020 nie.
Die EFF het ook die aansoek teengestaan en aangevoer dat die hof versigtig moet wees om by parlementêre prosesse in te meng.
