Die Padverkeersbestuurskorporasie sê ’n voertuiglisensiebedrogsindikaat ter waarde van miljoene rand het Suid-Afrika se lisensiestelsel gemanipuleer deur gesteelde aanmeldbesonderhede, skynmaatskappye en selfs die identiteite van oorledenes te gebruik.
Volgens die korporasie is swaarvoertuie ook onwettig as ligter voertuie geregistreer om laer lisensiefooie te betaal.
Die sindikaat het glo ook toegang tot die NaTIS-stelsel verkry deur die aanmeldbesonderhede van amptenare te misbruik en padwaardigheidsertifikate uitgereik sonder dat voertuie inspeksies ondergaan het.
Die korporasie sê die bedrog lei tot groot finansiële verliese vir provinsiale en nasionale vervoer-owerhede.
