Marelize Maré
Die Toerismebedryfvereniging en die Gasvryheidsvereniging van Suid-Afrika, Fedhasa, sê die teleurstellende prestasie in die toerismebedryf tydens die feesseisoen is weens die land se infrastruktuur.
Die volledige syfers vir die sektor se feesseisoenprestasie sal in die middel van Februarie bekend gemaak word, maar Fedhasa se nasionale voorsitter, Brett Tungay, sê voorlopige statistiek toon dat daar gemengde uitslae regoor die land was.
KwaZulu-Natal, die Vrystaat, Noordwes en die Noord-Kaap het ‘n reuseafname in toeristegetalle gehad wat volgens die vereniging toegeskryf kan word aan die toestand van die paaie in die provinsies.
Die departement van vervoer se woordvoerder, Collen Msibi, sê die departement ondersteun die provinsies om paaie in stand te hou deur die befondsing van meer as R10-miljard per jaar.
