Onwettige alkoholmark in SA al meer as R25-miljard werd

Die onwettige alkoholmark in Suid-Afrika het die afgelope sewe jaar met 55% gegroei en is tans R25-miljard werd.

Dié bedryf kos die land R16-miljard in verlore belastingontvangste.

Dié toedrag van sake het die Drankies-federasie van Suid-Afrika genoop om samewerking tussen die regering en die privaat sektor te versoek.

Volgens die voorsitter van die federasie en uitvoerende hoof van SA-Brouerye, Richard Rivett-Carnac het 67% van verbruikers wat aan die Euromonitor-opname deelgeneem het erken dat hulle onwettige alkohol koop, omdat dit goedkoper is.

Rivett-Carnac sê onwettige alkohol bedreig die land se ekonomie en openbare gesondheid, aangesien dit miljarde uit openbare fondse tap en die wettige bedryf verswak.