Walter Ernst
Gautengse inwoners moet voorbereid wees op die ontwrigting van watervoorsiening van môre tot Maandag.
Rand Water gaan beplande instandhouding aan noodsaaklike infrastruktuur doen. Hierdie opgraderings het ten doel om die aanleg se betroubaarheid en doeltreffendheid te verhoog. Die herstelwerk sal in verskeie fases plaasvind en is spesifiek beplan vir Desember 2025 en Januarie 2026, wanneer waterverbruik laer is.
Die eerste fase begin môreoggend om 4-uur by die Zuikerbosch-watersuiweringsaanleg en duur tot Maandag om 4-uur. Verdere opknappings sal in die tweede en derde fases volg, vanaf 19 Desember tot 6 Januarie. Gebiede wat geraak sal word, sluit dele van Pretoria, Johannesburg en Ekurhuleni in.
Rand Water doen ’n beroep op huishoudings om water spaarsaam te gebruik ten einde enige negatiewe impak te bestuur.
Beskou die lys van gebiede wat geraak word in dié mediaverklaring:
Fotokrediet: iStock/RapidEye
