“Geen hofsaak sal BTW-verhoging keer nie”

Die minister van finansies, Enoch Godongwana, sê géén hofbevel sal die 0,5% BTW-verhoging kan omkeer nie.

Godongwana het in sy beantwoorde hofstukke op die DA en die EFF se dringende hofaansoek oor die BTW-verhoging gesê dat die besluit om BTW te verhoog, reeds geneem is en nie omgekeer kan word nie.

Hy het ook ontken dat die besluit om BTW te verhoog, onwettig is.

Die DA en die EFF voer aan dat die aanvaarding van die fiskale raamwerk ongeldig en onwettig is, en dat die regte prosedures nie gevolg is nie.

Godongwana het die hof gevra om die partye se aansoek van die hand te wys.