Agri Wes-Kaap doen ’n beroep op streng beheermaatreëls in die George-kwarantyngebied ná ’n nuwe bek-en-klouseer-geval daar bevestig is.
Die uitbraak is op ’n klein beesplaas naby George, binne die bestaande 10-kilometer-kwarantynsone, opgespoor.
Die organisasie sê die nuwe geval volg ná 39 dae sonder enige verdere besmettings in die Wes-Kaap.
Boere word versoek om streng bio-sekuriteitsmaatreëls te handhaaf om die verspreiding van die siekte te beperk, terwyl oorblywende plase steeds ingeënt sal word soos weersomstandighede dit toelaat.
