Die burgerregte-organisasie, AfriForum sê hy is vol vertroue dat samewerking met die burgerregtegroep March on March tot voordeel van albei organisasies en hul ondersteuners sal wees.
Die twee organisasies het ooreengekom om saam te werk oor verskeie kwessies, waaronder onwettige immigrasie.
AfriForum se uitvoerende hoof, Kallie Kriel, sê die organisasies deel verskeie gemeenskaplike belange, hoewel hulle nie noodwendig oor alles saamstem nie.
Hy sê albei organisasies het ’n sterk grondvlakteenwoordigheid, wat hulle in staat stel om ’n groter verskil in Suid-Afrika te maak.
