Die Ad hoc-komitee wat bewerings van polisiekorrupsie ondersoek, het nog geen strafregtelike bevindings teen die land se top-polisiebeamptes gemaak nie, maar het wel kommer oor bestuur en beheer uitgespreek.
Die ANC het aanbeveel dat nasionale polisiekommissaris Fannie Masemola gekritiseer word omdat hy volgens die party ’n onwettige opdrag oor ’n moratorium op intelligensie-aanstellings moes verwerp het.
Die party sê ook voormalige minister van polisie, Senzo Mchunu se opdrag om die Politieke Moorde-taakspan te ontbind, was onwettig.
Die komitee finaliseer tans sy langverwagte verslag.
