Ten minste 11 mense is dood en tien-talle beseer in ‘n stormloop buite ‘n krieketstadion in die suidelike Indiese staat Karnataka.
Dit kom nadat die ondersteuners byeen gekom het om die tuisspan se oorwinning vroeër die week in die Indiese Premierliga te vier.
Karnataka se hoofminister, net bekend as Siddaramaiah sê niemand het só ‘n groot skare verwag nie.
200- tot 300 000 ondersteuners het by die plaaslike stadion opgedaag wat slegs 35 000 mense kan huisves.
Minstens 33 pasiënte moes in die hospitaal opgeneem word.
