Die wêreldekonomie kan vanjaar meer as 3% groei toon, danksy beleggings in kunsmatige intelligensie wat die energieskok weens die oorlog in die Midde-Ooste absorbeer.
Die Internasionale Monetêre Fonds (IMF) het by sy jaarvergadering in Bangkok gesê die risiko is egter dat meer lande kwesbaar is weens ’n groter skuldlas.
Ondanks die voorslepende konflik en oliepryse wat bo $100 ’n vat verhandel, voorspel die IMF globale groei van 3,1%.
Dit is 0,1% hoër as die voorspelling in Julie. Die IMF voorspel vir aanstaande jaar groei van 3,4%.
Die fonds het egter gemaan teen die toenemende gaping tussen lande wat bevoordeel word deur KI en dié wat agterbly.
Slegs 32 lande dra by tot 95% van die globale ekonomiese groei teenoor 54 in April.
