Suid-Afrika stuur vandeesweek ‘n afvaardiging na Washington om beswaar te maak teen voorgestelde nuwe Amerikaanse invoertariewe.
Die tariewe volg op ‘n Amerikaanse ondersoek wat bevind het dat Suid-Afrika nie voldoende afdwingbare maatreëls teen produkte wat met dwangarbeid vervaardig is, het nie.
Die regering voer aan dat bestaande arbeids-, doeane- en mensehandelwette reeds voldoende beskerming bied.
Indien die tariewe ingestel word, kan Suid-Afrikaanse uitvoere duurder en minder mededingend raak, met die motor-, landbou- en mynbousektor wat waarskynlik die swaarste getref sal word.
