Die minister van basiese onderwys, Siviwe Gwarube, sê daar is tans geen bewyse van kriminele optrede in die R1,6 miljardse handboektender vir die grondslagfase vir 2027 nie.
Die tender het onder skoot gekom nadat ’n deel daarvan toegeken is aan die nuutgestigte Lighthouse Publishing, wat geen bedryfsgeskiedenis het nie.
Gwarube het die parlement se onderwyskomitee ingelig en die Nasionale Tesourie gevra om die verkrygingsproses te ondersoek.
Sy sê hoewel daar geen bewys van misdaad is nie, het ’n voorlopige interne oudit wel sekere rooi vlae en kommerwekkende bevindings uitgelig, wat verdere ondersoek vereis.
