Die Suid-Afrikaanse Nasionale Parke is op soek na ’n individu wat glo roekeloos en onwettig opgetree het in die Nasionale Krugerwildtuin, nadat ’n video op sosiale media verskyn het.
Volgens SANParke wys die beeldmateriaal hoe die persoon deur riviere ry, geslote paaie ignoreer en gevaarlik binne die park bestuur, wat ’n ernstige oortreding van parkreëls en omgewingswetgewing is.
Die organisasie sê sulke gedrag bedreig nie net wild en ekosisteme nie, maar ook besoekers se veiligheid, en sal nie geduld word nie.
SANParke sê die oortreder sal opgespoor word en vervolg word.
Enigiemand met inligting word versoek om dit by SANParke of die polisie aan te meld.
