Die Suid-Afrikaanse departement van gesondheid sê sy reaksie word nog ingewag ná berigte van ’n moontlike Hantavirus-uitbreking op die passasierskip MV Hondius in die Atlantiese Oseaan.
Die skip, wat sowat ‘n 170 passasiers en 70 bemanningslede kan huisves, is tans op ’n roete vanaf Argentinië na Kaap Verde en besoek onder meer Suid-Georgië en St Helena.
Volgens die Wêreldgesondheidsorganisasie is een Britse toeris in Suid-Afrika in intensiewe sorg en drie mense is reeds dood, terwyl verdere moontlike gevalle ondersoek word.
Die Britse buitelandse kantoor sê hulle monitor die situasie noukeurig en is in kontak met die redery en plaaslike owerhede om Britse burgers te ondersteun.
