Pasiënte van die Steve Biko Akademiese Hospitaal in Pretoria moet lank wag, nadat operasies by die hospitaal weens probleme met die lugversorgingstelsel in die operasie-sale vertraag is.
Die temperature in die sale styg tot bo die vereiste 18 grade Celsius, wat ook die risiko van infeksies verhoog en die lewens van pasiënte in gevaar stel.
Verskeie operasies is reeds gekanselleer of uitgestel.
Die hospitaal het verlede jaar ook uitdagings met sy lugverkoelingstelsel ervaar.
Die DA sê intussen hulle sal aanhou om druk toe te pas vir die volledige hersiening en instandhouding in Gauteng se openbare hospitale, sodat toerusting onderhou word.
