Die Nasionale Energiereguleerder, Nersa, het vandag in die parlement bevestig dat kragtariewe nie vanjaar verder sal styg nie. Die reguleerder het erken dat daar foute in Eskom se tariefberekeninge was wat veroorsaak het dat verkeerde syfers aanvanklik gebruik is.
Nersa sê Eskom mag wel in die volgende tariefjaar, van 1 April 2026 tot 30 Maart 2027, R12 miljard bykomend deur middel van tariewe verhaal, en in die daaropvolgende jaar ‘n verdere R23 miljard. Die oorblywende R18,987 miljard word uitgestel om verligting vir verbruikers te bied.
Die minister van energie, dr. Kgosientsho Ramokgopa noem die fout “katastrofies” en neem volle verantwoordelikheid daarvoor. Nersa het reeds optrede teen verantwoordelikes ingestel en beloof dat prosesse sal verbeter om ‘n herhaling hiervan te verhoed.
One Response
Ne! Dit help niks