Die burgerregte-organisasie, AfriForum se nuwe verslag oor die 47 plaasaanvalle tussen 2019 en 2025 toon dat buitensporige geweld tydens aanvalle in sommige gevalle as marteling beskou kan word.
Die verslag toon dat slagoffers onder meer gemartel, verbrand, gesteek en verwurg is, asook aan ernstige fisieke, emosionele en seksuele mishandeling blootgestel is.
AfriForum sê dié tipe aanvalle kom in al die provinsies voor.
Die organisasie doen ’n beroep op die regering om plaasaanvalle as ’n prioriteitsmisdaad te erken en ’n gespesialiseerde strategie daarvoor te ontwikkel.
AfriForum vra ook politieke leiers om opruiende retoriek teen boeregemeenskappe, insluitend die “Kill the Boer”-dreunsang, te veroordeel.
