Die voormalige Springbokafrigter, Peter de Villiers, het vandag in die landdroshof in Malmesbury onskuldig gepleit op aanklagte van poging om ’n seksuele misdryf te pleeg, seksuele aanranding en crimen injuria.
De Villiers word daarvan beskuldig dat hy ’n vrou op 30 Januarie verlede jaar by haar huis in Kalbaskraal, buite Malmesbury, seksueel aangerand het.
De Villiers is in Februarie verlede jaar deur die Good-party geskors weens die bewerings teen hom en sy lidmaatskap is twee maande later beëindig.
Hy is tans ‘n lid van die MK-party.
