Die waarnemende nasionale polisiekommissaris, luitenant-generaal Puleng Dimpane, is onder die soeklig nadat die Valke moontlike finansiële wanbestuur ondersoek.
Dit volg nadat die waghondgroep, Public Interest SA, ’n klag ingevolge die Wet op Openbare Finansiële Bestuur ingedien het.
Die saak hou verband met die polisie se Medicare 24-kontrak in die Tshwane-metro ter waarde van R360 miljoen, waarvan R48 miljoen reeds uitbetaal is ten spyte van waarskuwings oor korrupsie.
Twaalf senior polisie-offisiere staan reeds tereg op verskeie aanklagte.
Die organisasie versoek die Valke om dringend vas te stel of Dimpane as destydse finansiële hoof haar wetlike pligte versuim het om staatsgeld te beskerm.
