Uitbreking van masels tref ook die Vrystaat

Die onlangse uitbreking van masels in Gauteng blyk of dit nou ook die Vrystaat getref het met 64 bevestigde gevalle wat in verskeie gebiede in die provinsie aangemeld is.

Die departement van gesondheid in die Vrystaat het in ‘n verklaring bevestig dat 12 gevalle in die Nala-distrik aangemeld is, wat Bothaville en Wesselsbron insluit.

Daar is nege gevalle in Masilonyana in Theunissen en Verkeerdevlei, 38 in Matjhabeng, wat Welkom, Virginia en Odendaalsrus insluit asook vyf gevalle in Hoopstad en Bultfontein.

Luidens die departement is die meeste gevalle onder kinders tussen 5- en 9 jaar oud.

Die departement doen ’n ernstige beroep op alle ouers om seker te maak dat hul kinders teen masels ingeënt is