Die VSA president Donald Trump het bondgenote van die Noord-Atlantiese Verdragsorganisasie daarvan beskuldig dat hulle ’n groot fout maak, deur nie Amerika te help om die Straat van Hormoez te beveilig tydens sy konflik met Iran nie.
Iran se nuwe opperleier, Mojtaba Khamenei, het onlangs gesê die land sal voortgaan om die belangrike olie-roete te blokkeer.
Verskeie lande, insluitend die Verenigde Koninkryk, Duitsland, Pole en Spanje, het deelname aan ’n militêre sending van die hand gewys en beklemtoon dat dit nie hul oorlog is nie.
Trump het die besluit as skokkend beskryf, maar terselfdertyd gesê die VSA het nie noodwendig hulp nodig nie.
