Die minister van gesondheid, dr Aaron Motsoaledi sê hy is bereid om ’n tribunaal aan te stel indien enige partye die Gesondheidsombud se bevindings oor twee sterftes in Gauteng betwis.
Dit volg op verdoemende verslae oor die dood van ’n psigiatriese pasiënt by George Mukhari Akademiese Hospitaal en ’n neo-natale sterfte by Netcare Femina, waar ernstige tekortkominge soos swak sorg, veiligheidsoortredings en verkeerde medikasie geïdentifiseer is.
Motsoaledi sê die regering sal voortgaan om op die ombud se aanbevelings op te tree, tensy ’n hof anders beslis.
Die Gautengse regering het intussen aangedui dat dissiplinêre stappe teen die betrokkenes gedoen sal word.
