Die top Afrikaanse skole word vandag by die Solidariteit Skole-ondersteningsentrum se Meriete toekennings vereer.
Volgens die uitvoerende hoof van die Solidariteit Skole-ondersteuningsentrum, Leon Fourie, is die top 10 skole in die land wat die meeste onderskeidings opgelewer het, almal Afrikaanse skole.
Hoërskool Waterkloof loop voor met ʼn totaal van 960 onderskeidings en sewe van die top 20 skole met die meeste onderskeidings per kandidaat is meisieskole.
Hoër Meisieskool Bloemhof is die Afrikaanse skool met die meeste onderskeidings, naamlik 3,63 per kandidaat, terwyl Hoërskool Durbanville vanjaar die meeste vaktoekennings aangeteken het.
Die top Afrikaanse skole met meeste onderskeidings per kandidaat, uit al nege provinsies, is vanjaar almal by die SOS se toekenningsgeleentheid teenwoordig.
